ಕಾಮನ್ವೆಲ್ತ್ ಕ್ರೀಡಾಕೂಟ: ಡೆಕಾಥ್ಲಾನ್ನಲ್ಲಿ ತೇಜಸ್ವಿನ್ ಶಂಕರ್ಗೆ ಕಂಚು
ಕೆನಡಾದ ಟೋಕಿಯೊ ಒಲಿಂಪಿಕ್ಸ್ ಚಾಂಪಿಯನ್ ಡೇಮಿಯನ್ ವಾರ್ನರ್ ಚಿನ್ನದ ಪದಕ
ದೇಶLATEST NEWSಕ್ರೀಡೆ
S3 Media House
8/2/20261 min read
ಕಾಮನ್ವೆಲ್ತ್ ಕ್ರೀಡಾಕೂಟ–2026ರ ಡೆಕಾಥ್ಲಾನ್ ಸ್ಪರ್ಧೆಯಲ್ಲಿ ಭಾರತದ ರಾಷ್ಟ್ರೀಯ ದಾಖಲೆ ಹೊಂದಿರುವ ತೇಜಸ್ವಿನ್ ಶಂಕರ್ ಕಂಚಿನ ಪದಕ ಗೆದ್ದು ಗಮನ ಸೆಳೆದಿದ್ದಾರೆ.
ಹತ್ತು ವಿಭಾಗಗಳನ್ನು ಒಳಗೊಂಡಿರುವ ಡೆಕಾಥ್ಲಾನ್ ಸ್ಪರ್ಧೆಯಲ್ಲಿ ಪ್ರತಿ ಓಟ ಹಾಗೂ ಎಸೆತದೊಂದಿಗೆ ಅಂಕಪಟ್ಟಿ ಮತ್ತು ಪದಕದ ಸ್ಥಾನಗಳು ಬದಲಾಗುತ್ತಲೇ ಇರುತ್ತವೆ. ಈ ಕಾರಣದಿಂದ ಡೆಕಾಥ್ಲಾನ್ ವಿಜೇತನನ್ನು ವಿಶ್ವದ ಶ್ರೇಷ್ಠ ಸರ್ವಾಂಗೀಣ ಅಥ್ಲೀಟ್ ಎಂದು ಪರಿಗಣಿಸಲಾಗುತ್ತದೆ.
ಮೊದಲ ದಿನದ ಸ್ಪರ್ಧೆಯ ಅಂತ್ಯಕ್ಕೆ ಎರಡನೇ ಸ್ಥಾನದಲ್ಲಿದ್ದ ತೇಜಸ್ವಿನ್, ಅಂತಿಮ ಸ್ಪರ್ಧೆಯಾದ 1,500 ಮೀಟರ್ ಓಟವನ್ನು 4 ನಿಮಿಷ 36.19 ಸೆಕೆಂಡುಗಳಲ್ಲಿ ಪೂರ್ಣಗೊಳಿಸಿದರು. ಒಟ್ಟು 7,976 ಅಂಕಗಳನ್ನು ಗಳಿಸಿದ ಅವರು ಮೂರನೇ ಸ್ಥಾನ ಪಡೆದು ಕಂಚಿನ ಪದಕ ತಮ್ಮದಾಗಿಸಿಕೊಂಡರು.
ಕೆನಡಾದ ಟೋಕಿಯೊ ಒಲಿಂಪಿಕ್ಸ್ ಚಾಂಪಿಯನ್ ಡೇಮಿಯನ್ ವಾರ್ನರ್ ಚಿನ್ನದ ಪದಕ ಗೆದ್ದರೆ, ಗ್ರೆನಡಾದ ಹಾಲಿ ಕಾಮನ್ವೆಲ್ತ್ ಕ್ರೀಡಾಕೂಟ ಚಾಂಪಿಯನ್ ಲಿಂಡನ್ ವಿಕ್ಟರ್ ಬೆಳ್ಳಿ ಪದಕವನ್ನು ತಮ್ಮದಾಗಿಸಿಕೊಂಡರು.
