ದೇವಾಲಯಗಳ ಜೀರ್ಣೋದ್ಧಾರಕ್ಕೆ ಶ್ರಮಿಸುತ್ತಿರುವ ವೇಣುಗೋಪಾಲ್!

ನ್ಯೂ ಬಾಲ್ಡ್ ವಿನ್ ಸಮೂಹ ಸಂಸ್ಥೆಗಳ ಸಹಯೋಗದಲ್ಲಿ ರಾಜ್ಯದ ಹಲವು ದೇವಾಲಯಗಳ ಜೀರ್ಣೋದ್ಧಾರ!

LATEST NEWSಧರ್ಮ & ಸಂಸ್ಕೃತಿ

S3 Media House

10/6/20261 min read

ಕೋಲಾರ ಚಿಕ್ಕಬಳ್ಳಾಪುರ ಜಿಲ್ಲೆ ಸೇರಿದಂತೆ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಶಿಥಿಲಾವಸ್ಥೆಯಲ್ಲಿರುವ ದೇವಾಲಯಗಳ ಜೀರ್ಣೋದ್ಧಾರ ಮಾಡುವಲ್ಲಿ ನ್ಯೂ ಬಾಲ್ಡ್ ವಿನ್ ಸಂಸ್ಥೆಗಳ ಚೇರ್ಮನ್ ಡಾ.ಟಿ.ವೇಣುಗೋಪಾಲ್ ಶ್ರಮಿಸುತ್ತಿದ್ದಾರೆ. ಅಂತೆಯೇ ಕರ್ನಾಟಕ ತಮಿಳುನಾಡು ಗಡಿ ಭಾಗದಲ್ಲಿರುವ ಗುಮ್ಮಳಾಪುರದಲ್ಲಿನ ಗೌರಿ ದೇವಸ್ಥಾನದ ಜೀರ್ಣೋದ್ದಾರಕ್ಕೆ ಮುಂದಾಗಿದ್ದು, ದೇವಾಲಯದಲ್ಲಿ ನಡೆಯುತ್ತಿರುವ ಜಾತ್ರೆಯಲ್ಲಿ ಸಹ ಅವರು ಭಾಗಿಯಾಗಿದ್ದರು. 

ಇದೇ ವೇಳೆ ಮಾತನಾಡಿದ ಅವರು, ಗುಮ್ಮಳಾಪುರದ ಗೌರಿ ದೇವಾಲಯ ಸಾಕಷ್ಟು ಪುರಾತನ ದೇವಾಲಯವಾಗಿದ್ದು, ದೇವಾಲಯಕ್ಕೆ ಕೃತ ಯುಗದ ಚರಿತ್ರೆಯ ನಂಟಿದೆ. ಇಲ್ಲಿ ಸಾಕ್ಷತ್ ಗೌರಿ ನೆಲೆಸಿದ್ದಾರೆ ಎಂದು ನ್ಯೂ ಬಾಲ್ಡ್ವಿನ್ ಶಾಲೆಯ ಚೇರ್ಮನ್ ಡಾ.ಟಿ.ವೇಣುಗೋಪಾಲ್ ಹೇಳಿದರು.

ಕೃತ ಯುಗದ ಕಾಲದ್ದೆಂದು ಪ್ರತೀತಿ ಹೊಂದಿರುವ ಮತ್ತು ಗೌರಮ್ಮ ದೇವಿಯ ತವರು ಕ್ಷೇತ್ರವೆಂದೇ ಪ್ರಸಿದ್ಧಿ ಹೊಂದಿರುವ ಗುಮ್ಮಳಾಪುರದ ಗೌರಿ ದೇವಿ ಕ್ಷೇತ್ರ ಭೂ ಕೈಲಾಸವೆಂದೇ ಹೆಸರುವಾಸಿ. ಮೈಸೂರು ಮಹಾರಾಜರ ಕಾಲದಲ್ಲಿ ಗುಮ್ಮಳಾಪುರ ಎಂದು ಹೆಸರಿಡಲಾಗಿದೆ ಎಂದರು.

ದೇವಾಲಯಗಳ ಜೀರ್ಣೋದ್ಧಾರಕ್ಕೆ ನಿರಂತರ ಸೇವೆ!

ಇನ್ನು ನ್ಯೂ ಬಾಲ್ಡ್ ವಿನ್ ಶಿಕ್ಷಣ ಸಂಸ್ಥೆಗಳ ಸಹಯೋಗದಲ್ಲಿ ಗೌರಿ ದೇವಾಲಯಕ್ಕೆ ಜಮೀನು ಮತ್ತು ದೇವಾಲಯದ ಜೀರ್ಣೋದ್ಧಾರಕ್ಕೆ ದೇಣಿಗೆಯನ್ನು ನೀಡುವುದು ಮಾತ್ರವಲ್ಲದೆ ತಮ್ಮ ನಿರಂತರ ಸೇವೆಯನ್ನು ಸಹ ಚೆರ್ಮನ್ ಡಾ.ಟಿ.ವೇಣುಗೋಪಾಲ್ ಹಾಗೂ ಸಂಸ್ಥಾಪಕರಾದ ಸೌಭಗ್ಯವತಿ ವೇಣುಗೋಪಾಲ್ ನೀಡಿದ್ದಾರೆ.

ಈ ಬಾರಿಯ ಜಾತ್ರೆ ಮಹೋತ್ಸವವು ಅಕ್ಟೋಬರ್ 2ರಿಂದ ಆರಂಭಗೊಂಡಿದ್ದು 15 ರ ವರೆಗೆ ನಡೆಯಲಿದೆ. ಇದೇ ಗ್ರಾಮದ ಕೆರೆಯ ಮಣ್ಣಿನಿಂದ ತಯಾರು ಮಾಡಲಾದ ಗೌರಿ ಮೂರ್ತಿಯನ್ನು ಕೊನೆಯ ದಿನ ವಿಸರ್ಜಿಸಿ ಜಲವಾಸ ಮಾಡಲಾಗುವುದು.

ನಮ್ಮನ್ನು ಸಂಪರ್ಕಿಸಲು ದಯವಿಟ್ಟು ಈ ವಿವರಗಳನ್ನು ಬಳಸಿ

s3kannadanews@gmail.com

+91 9902544556

© 2026 S3 Media House. All Rights Reserved.

ನಮ್ಮ ನ್ಯೂಸ್ ಅಪ್ಡೇಟ್ಗಳಿಗಾಗಿ ಸಬ್ಸ್ಕ್ರೈಬ್ ಮಾಡಿ

ನಮ್ಮ ವಾಟ್ಸ್ ಆಪ್ ಚಾನೆಲ್ ಗೆ ಸೇರಲು ಈ ಬಟನ್ ಕ್ಲಿಕ್ ಮಾಡಿ ಕ್ಷಣ ಕ್ಷಣದ ಆಪ್ಡೆಟ್ ಪಡೆಯಿರಿ.